單思的世界

今年電影節終於有機會開始睇戲，第一套就揀咗《單思的世界》。啱啱由日本返嚟，覺得呢套戲幾有趣，因為係《他和他的戀愛花期》導演土井裕泰同編劇坂元裕二再度合作。坂元裕二嘅劇本一向好睇，無論係《大豆田永久子與三名前夫》定《花期》都好有水準。兩位大師合作，大家都以為會係愛情戲。

電影節官方簡介話，故事講三個女仔——美咲、優花、櫻——喺東京一間古宅過住無憂生活，日間返工返學，夜晚一齊食飯分享趣事，沉醉喺幸福嘅三重泡沫。直到有一日，美少喺巴士上遇返失散十二年嘅「他」，勾起一段心跳回憶，展開一場大冒險。大家都以為片名係《單思的世界》，會係愛情戲。

但睇完發現，土井同坂元今次並唔係拍愛情戲。劇情好有趣，揭曉時有幾個典型坂元式橋段，手法輕鬆幽默。劇情設計好正，前面有好多細節鋪墊，去到「開大橋」嗰幕，真係幾有驚喜。

去到尾段，三個女仔嘅故事唔一定係愛情，特別係清原果耶嗰條線，雖然有啲疑問但都合理。之後有一段同媽媽有關嘅情感戲，連埋清原果耶嗰條線，有啲步驟感，最後突然解決咗，感覺唔算太過癮。

至於廣瀨鈴嗰條線，結局同《久變重逢》幾乎一樣，但我都幾鍾意嗰個擁抱鏡頭，唔劇透但真心推介。成套戲最鍾意就係開大橋同最後嗰個擁抱，真係點出咗全片主題。

呢套戲高先已經買咗，應該好快有優先場，值得一睇。如果你鍾意《花期》或者坂元裕二嘅作品，呢套一定唔會失望，密切期待！